Instituti Kombëtar i Alergjisë dhe Sëmundjeve Infektive (NIAID) njoftoi sot se ka nisur testimet e një vaksine universale mRNA kundër gripit.
“Një vaksinë universale e gripit do të ishte një arritje e madhe për shëndetin publik dhe mund të eliminonte nevojën për zhvillimin vjetor të vaksinës së gripit sezonal, dhe që pacientët t’i nënshtrohen një vaksine kundër gripit çdo vit”, tha Hugh Auchincloss, kreu i NIAID.
Studimi përfshin 50 vullnetarë nga 18 deri në 49 vjeç.
Në fazën e parë, do të përcaktohet doza më efektive dhe më pas produkti i ri do të krahasohet me vaksinën katërvalente sezonale tashmë në përdorim, për të verifikuar aftësinë e saj për të ofruar mbrojtje kundër gripit.
Vaksina e re synon të rrisë imunitetin kundër gripit duke përdorur një pjesë të një proteine karakteristike për viruset e gripit, hemagglutinina.
Kjo proteinë ka dy pjesë, një që evoluon shumë shpejt dhe një që është më e qëndrueshme dhe ka karakteristika shumë të ngjashme në viruse të ndryshme të gripit.
Vaksina e re përdor pjesën e dytë; që mund ta bëjë atë në gjendje të ofrojë mbrojtje të qëndrueshme kundër më shumë viruseve të gripit.
“Disa lloje të virusit të gripit kanë potencial të konsiderueshëm pandemik”, tha Auchincloss.
Vaksina universale e gripit mund të shërbejë si një linjë e rëndësishme mbrojtjeje kundër përhapjes së një pandemie gripi në të ardhmen.
/ata.gov.al
