Gjatë vitit që lamë pas, 5052 biznese të reja neto kanë nisur aktivitetin ekonomik në kryeqytet. Referuar të dhënave të Drejtorisë së Përgjithshme e Taksave dhe Tarifave Vendore, në vitin 2019 u hapën 8935 subjekte kryesore dhe sekondare, ndërsa njëkohësisht u mbyllën 3883 të tjera.
Duket se orientimi kryesor i sipërmarrjeve të reja ka qenë në sektorin e shërbimeve, ku përfshihen më së shumti baret, restorantet, kafenetë, por edhe subjekte të tjera si financiare apo konsulente. Kështu në 2019 u hapën 3618 njësi shërbimi, e ndjekur nga shitja me pakicë, sektor në të cilin u futën në treg 2948 biznese të reja.
Hapësirë më të vogël kanë zënë sektorët e tjera, ku mund të përmendet shitja me shumicë apo subjektet e ndërtimit.
Ndërsa risi është fakti janë regjistruar marrje licencash në numër të lartë për profesione të lira, ku numërohen 795 të tilla.
Sa i takon subjekteve të mbylla, dominon shitja me pakicë me 1731 të tilla, më pas janë njësitë e shërbimit me 1139 të tilla ndërsa bizneset e tjera që janë çregjistruar nga Qendra Kombëtare e Biznesit, zënë një peshë më të vogël.
Bizneset gjatë 2019-ës
Subjekte të reja 8935
Subjekte të mbyllura 3883
Subjekte të hapura neto 5052
