A dini të bëni dallimin mes megabit (Mb) dhe megabajt (MB)? Ndërsa të dy janë të ngjashëm në shqiptim, në të vërtetë janë shumë ndryshe.
Dhe të dy janë po aq të rëndësishëm sepse përcaktojnë shpejtësinë e transmetimit të të dhënave siç është rasti i shpejtësisë së internetit apo madhësinë e pajisjeve për ruajtjen e të dhënave si hardisqet.
Megjithatë konfuzioni nuk mungon ndërsa sot ne do të shpjegojmë se ku ndryshojnë këto dy terma jetikë në botën e sotshme të internetit.
Çfarë është një Megabit dhe një Megabajt?
Së pari duhet të mësojmë sesi ka filluar çdo gjë. Një bit është një shifër binare të dhënash të kompjuterizuara. Tetë bite prodhojnë një bajt. Një megabit përmbajnë 1 milion bite dhe 8 megabit bëjnë një megabajt.
Madhësia e hardisqeve apo pajisjeve të ruajtjes së të dhënave përcaktohet në “bajt” kurse “bit” përdoret për përcaktimin e shpejtësisë së internetit.
Njerëzit janë më të njohur me termat gigabajt (GB) apo edhe terabajt (TB) për shkak se përcaktojnë sasinë e të dhënave. Një gigabajt përmban 1,000 megabajt dhe një terabajt plot 1,000 gigabajt.
Cili është ndryshimi mes shkurtesave?
Inicialet, ose shkurtesat, janë shumë të rëndësishme për të bërë dallimin mes tyre. Duke qenë se megabit është një njësi matëse më e vogël sesa një megabajt, shoqërohet nga gërma e vogël “b” dhe shkurtimisht emërohet “Mb.”
Megabajt është njësi matese më e madhe dhe në këtë rast “b” e vogël bëhet kapitale, pra “MB.”
Të dy, megabit dhe megabajt, përdoren për të përcaktuar shpejtësinë e transmetimit të të dhënave mes hardisqeve apo në internet.
Kur flasim për shpejtësinë e transferimit të të dhënave mes dy pajisjeve të memories, mund të përdoren të dyja “Mb” dhe “MB” edhe pse kjo e fundit është forma më e zakonshme.
Për matjen e shpejtësisë së internetit përdoret “Mb” ose “MB” e kombinuar me kohën që duhet për transferimin e të dhënave në sekonda dhe merr shkurtesën “Mbps” ose “MBps” ku “ps” do të thotë “për sekond.”
Gjithashtu “Mbps” përdoret në të shumtën e rasteve edhe nga ofruesit e internetit “ISP-të.” Asnjë kompani nuk shet internet “6.2 MBps” por “50 Mbps.”
Pse është e rëndësishme dallimi mes dy termave?
Të gjithë kemi nevojë për internetin në shtëpi dhe si rezultat për kompanitë si ALBtelecom, ABCom, IPKO, Kujtesa, PTK, Tring etj.
Zakonisht në reklamat e ofrimit të internetit ato japin shpejtësi si “deri në 50Mbps” ose “deri në 100Mbps.” Kjo është me rëndësi sepse duhet të dini për çfarë paguani.
Ju mund të mendoni se 100Mbps është një super shpejtësi interneti por mbase e keni gabim sepse nuk duhet të prisni shkarkimin nga interneti me shpejtësi 100MB. Pra 100Mbps është tjetër gjë, dhe 100MBps është tjetër gjë.
ISP shesin “deri në 100Mbps” që përkthehet 100 megabit për sekond dhe jo 100 megabajt për sekond.
Me një internet 100Mbps ju mund të shkarkoni jo më shumë se 12.5MBps. këtë shifër e merrni duke përpjestuar me 8 sepse 8bit bëjnë një megabit.
Ne kemi një internet me shpejtësi 50Mbps në shtëpi dhe nuk shkarkojmë dot më shumë se 6.2MBps.
Blerja e një hardisku të ri
Nga ISP tani shkojmë tek pajisjet e ruajtjes së të dhënave. Nëse po kërkoni një hardisk të ri ajo që ka rëndësi tani është megabajt (MB) i cili përcakton edhe kapacitetin e tij.
Kur doni të blini një të tillë mund të gjeni kapacitete si 256GB, 500GB, 750GB, 1TB, 2TB e etj. Këto numra përkthehen në 256000MB, 500000MB, 750000MB, 1000000MB dhe 2000000MB.
Duke qenë se 1TB ëhstë 100GB i bie që të jetë 1000000MB. Formula për të mësuar kapacitetin në megabajt përllogaritet duke shumëzuar një gigabajt (GB) me 1000.
Megabajt (MB) dhe Megabit (Mb) nuk janë e njëjta gjë
Ende këto dy terma do të shkaktojnë konfuzion duke menduar. Mos harroni megabit(Mb) do ta gjeni tek kompanitë e internetit ndërsa megabajt (MB) për çdo pajisje memorie si USB, CD, DVD, HDD, SSD, RAM etj.
