Komunikimi është një prej faktorëve më të rëndësishëm dhe me ndikim më të lartë në suksesin tuaj në ambientin e punës. Më poshtë do të lexoni 5 këshilla të cilat do t’ju ndihmojnë në këtë drejtim:
1. Tregoni respekt
Të tregoni respekt për kohën dhe hapësirën e kolegëve tuaj është një prej elementëve më të rëndësishëm nëse ju doni të keni një ecuri sa më të suksesshme në ambientin tuaj të punës.
2. Dëgjues aktiv
Ju duhet të jeni patjetër një dëgjues aktiv në ambientin tuaj të punës, sepse nëse ju jeni pjesë e atyre njerëzve që i ndërpresin të tjerët kur flasin dhe nuk i dëgjojnë ata aspak vetëm sepse duan që të shprehin mendimin e tyre, atëherë të jeni të sigurtë se nuk do të krijoni një ambient pune pozitiv.
3. Gjuha e trupit
Edhe pse ju ndoshta nuk mund ta kuptoni, gjuha e trupit shpeshherë komunikon më shumë sesa mesazhet e thëna nëpërmjet fjalëve. Prandaj tregohuni të kujdesshëm për veprimet tuaja sepse tjetër mesazh mund të jeni duke thënë me fjalë dhe tjetër me atë gjuhës suaj të trupit.
4. Mos hezitoni të pyesni
Nëse keni filluar punë në një kompani të re, këshillohet që të mos hezitoni të pyesni për gjërat që nuk dini. Kjo do t’ju ndihmojë që të krijoni edhe marrëdhënie me kolegët e tjerë sepse do t’i njihni ata më mirë dhe mbi të gjitha do ta keni më të lehtë për të përfunduar detyra, në të cilat mund të hasni pak vështirësi duke qenë se jeni një punonjës i ri.
5. Mos komunikoni vetëm nëpërmjet e-maileve
Në 2019, një pjese e konsiderueshme e komunikimit në ambientet e punës bëhet duke u mëbshtetur tek e-mailet, por këshillohet që nëse keni mundësi për të komunikuar me një koleg që ndodhet në një zyrë tjetër, të shkoni dhe t’ia komunikoni vetë kërkesën që mund të keni ndaj tij. Një formë e tillë komunikimi shmang të gjitha problemet që mund të lindnin si pasojë e komunikimit me e-mail.
Burimi: The Enterpreneur
