“Air Albania” me 2 avionë të rinj, fluturimet që priten të shtohen

41

Flotës së “Air Albania” do t’i shtohen edhe 2 avionë të tjerë “Airbus A320-200”. Avionët e rinj nuk do të merren nga aksioneri “Turkish Airlines”, por nga qiradhënësi “GA Telesis”.

Me dy “Airbus A320”, kompania e aviacionit me qendër në Tiranë blen për herë të parë makineri në tregun e hapur.

Sipas CH-Aviation.com, qiradhënësi ka gjithsej dhjetë Airbus A320-200. Pesë prej tyre janë në shërbim të “United Airlines” në Shtetet e Bashkuara të Amerikës. Pesë aktualisht presin për qiramarrës.

“Air Albania” fluturon kryesisht nga Tirana. Ndërkohë që nga aeroporti i Kukësit aktualisht ofrohen fluturime për në Bazel dhe Zyrih.

Në një datë të mëvonshme do të riaktivizohet edhe lidhja pa ndalesë me Stambollin.

Në korrik 2022, nga kryeqyteti i Shqipërisë do të shtohen linja të reja drejt Burgasit dhe Antalias.