World Vision Albania ka organizuar një event bamirësie për fuqizimin e vajzave dhe grave të dhunuara në Shqipëri.
Në mbrëmjen e bamirësisë “𝐃𝐫𝐞𝐬𝐬𝐞𝐝 𝐢𝐧 𝐰𝐡𝐢𝐭𝐞”, u bashkuan përfaqësues nga komuniteti i biznesit, koorporatat, institucionet shtetërore, përfaqësues të trupit diplomatik në vend, partnerë nga shoqëria civile, si edhe dashamirës e mbështetës të kauzës.
Nën moderimin e Arbana Osmanit dhe muzikën e Marsela Çibukaj , mbrëmja dhuroi emocione të forta. Pjesëmarrësit u frymëzuan nëpërmjet historive reale të vajzave dhe grave triumfuese, të cilat gjetën forcën jo vetëm për të pranuar dhunën, por edhe për ta kundërshtuar atë.
Muzika e përzgjedhur me kujdes, performanca e trupës së baletit, si edhe ekspozita e artit tërhoqën vëmendjen e të ftuarve, duke nxitur kështu biseda dhe ide se si mund të bashkëpunojmë më mirë për fuqizimin e vajzave dhe grave në vendin tonë.
Mënyra më e mirë për t’i ndihmuar vajzat dhe gratë të dalin nga cikli i dhunës është duke investuar në edukimin e tyre, si edhe nëpërmjet fuqizimit ekonomik. Angazhimi i World Vision Albania është që të gjitha të ardhurat e mbledhura nga kjo mbrëmje bamirësie të shkojnë për fuqizimin e grave dhe vajzave të dhunuara.
Eventi u organizua me mbështetjen e disa prej kompanive më të njohura në Shqipëri.
