Kanali vaditës e kullues në Havaleas tashmë është pjesë e një investim që sapo ka nisur. Prej vitesh ky kanal ka humbur funksionin e tij, duke u kthyer në një vendgrumbullim mbetjesh pafund dhe burim i pashtershëm ndotjeje.
Me një gjatësi prej 18 km, me shtrirje nga fshati Havaleas deri në Sektor Seman, rehabilitimi i këtij kanali do të favorizojë prodhimin e mijëra ha tokave bujqësore, njëkohësisht do të ndikojë pozitivisht edhe në rritjen e cilësisë së ajrit dhe mjedisit përreth. Përvec pastrimit dhe sistemimit të skarpateve, kanali i është nënshtruar dhe veshjes së plotë me material rezistent (beton, në bazë dhe shpate) për një mirëfunksionim afatgjatë.
