Ka përfunduar rikonstruksioni i jashtëm dhe ai i kupolës në Kishën e Shën Triadhës, në Kalanë e Beratit, e cila ndërhyrjen e fundit e pati rreth 36 vite më parë.
Krahas kishës, edhe Muzeu Ikonografik “Onufri” i është nënshtruar gjithashtu restaurimit. Ai tashmë ka një sallë të re ekspozimi, si dhe mundësinë e një audio-guide në tre gjuhë: shqip, anglisht dhe italisht, si një risi për turistët dhe vizitorët.
Restaurimi i kishës dhe muzeut pritet të tërheqë më shumë vëmendjen e vizitorëve të huaj, të cilët në dy vitet e fundit janë rritur ndjeshëm, nga 7.400 në 2013, në 25 mijë ne 2015.
