Pas përfundimit të sezonit veror, Bashkia e Vlorës, e mbështetur nga ambientalistët, disa peshkatarë dhe zhytës, kanë ndërmarrë nismën për pastrimin e plazheve në gadishullin e Karaburunit.
Vetëm në plazhin e Shën Janit dhe në plazhin e Shën Vasilit janë mbledhur gati 30 thasë me mbeturina.
Në këtë aksion morën pjesë edhe zhytës për të pastruar hapësirën nënujore në shpellën e Haxhi Aliut.
Aksionit të pastrimit të plazheve i janë bashkuar edhe disa ambientalistë të huaj.
Ky aksion u ndërmor në kuadër të Ditës Ndërkombëtare të Pastrimit.
