Hiqen qeset nga përdorimi, në treg veç trasta

1457

Ditën e mërkurë, Qeveria miratoi një vendim për importimin, përdorimin dhe tregtimin e qeseve plastike, që parashikon eliminimin përfundimtar të tyre. Por ministria e Mjedisit thotë se ky vendim do të hyjë në fuqi pas 2 muajsh për t’i dhënë kohë bizneseve për t’i zëvendësuar me trasta.

Sasia e qeseve që përdoren në Shqipëri, sipas Ministrisë së Mjedisit është 100 ton në muaj ose 1200 ton në vit. Sipas përllogaritjeve të Ministrisë së Mjedisit, rezulton se konsumimi ditor është 8 qese për çdo person në një familje ku ka 4 pjesëtarë. Ndërsa për prodhimin e ambalazheve nga qeset e plastikës konsumohen rreth 20 mijë ton në vit.

Qeset plastike hidhen në mbeturina, por një pjesë e tyre e tyre përfundon në natyrë, duke ndotur mjedisin dhe rrezikuar jetën e banorëve, pasi janë të pashkatërrueshme. Sipas ekologjistëve, që një qese plastike të vetëasimilohet duhen të paktën 200-300 vite, në varësi të densitetit të qeses.

Pas dy muajsh, asnjë qese plastike nuk do të përdoret më. Vendimi i qeverise parashikon gjoba nga 1 deri ne 1.5 milionë lekë.

Burimi: Top Channel