Në vitin 2019 janë regjistruar 17,4% më shumë udhëtime në Shqipëri, krahasuar me vitin 2018.
Instituti i Statistikave publikoi sot raportin mbi turizmin, i cili evidenton se është shënuar rritje për të gjitha llojet e udhëtimeve, ndërsa për udhëtimet për qëllime biznesi të kryera në Shqipëri është shënuar rritja më e lartë.
Sipas INSTAT, udhëtimet për qëllime biznesi u rritën me 4.1% gjatë 2019, ndërsa për pushime me 34%.
Llogariten rreth 6.4 milion[ shtetas të huaj që kanë hyrë në Shqipëri, duke shënuar rritje me 8,1% krahasuar me vitin 2018. Rreth 90% e shtetasve të huaj që vizituan Shqipërinë gjatë vitit 2019 ishin nga rajoni i Evropës, duke shënuar rritje me 8,3%, krahasuar me një vit më parë.
Të dhënat tregojnë se përqindjet më të larta të udhëtimeve për qëllime personale apo biznesi, në vitin 2019 janë regjistruar në qarqet Tiranë, Korçë, Vlorë dhe Durrës.
Në shërbimin direkt të 6,4 milionë shtetas të huaj që vizituan vendin, sipas INSTAT, u angazhuan rreth 64 mijë të punësuar që do të thotë, çdo i punësuar në këto aktivitete i shërbente dhe kujdesej për rreth 101 vizitorë të huaj.
