Nga 1 prilli të gjitha kategoritë e pensioneve rriten me 3.3 %. Nga vendimi për indeksimin e pensioneve, miratuar në mbledhjen e sotme të Këshillit të Ministrave përfitojnë të gjitha kategoritë e pensionistëve.
Kjo masë përfitimi i shtohet Paketës së Rezistencës Sociale nga e cila 576 mijë persona përfitojnë një bonus prej 3 mijë lekësh.
Paketa e Rezistencës Sociale subvencionon edhe çmimin e energjisë për të gjithë qytetarët, mbështet me 500 milionë lekë fermerët për të përfituar naftën pa taksa, si dhe transportin publik për të mbajtur të palëvizur çmimin e biletës.
