Projekti i rikonstruksionit dhe zgjerimit të rrugës “Dhimitër Konomi”, tashmë ka nisur.
Ky investim, ndër më të rëndësishmit në programin e zhvillimit të Vlorës, që financohet nga Qeveria Shqiptare përmes Fondit të Zhvillimit të Rajoneve, me një vlerë prej rreth 438 milionë lekë(të reja), do ta transorformojë këtë aks, në një nga elementët më modernë të infrastrukturës së qytetit.
Projekti është i plotë dhe përfshin zëvendësimin e rrjetit inxhinierik nëntokësor, sistemin e kanalizimeve të ujrave të bardha e të zeza, ujësjellësin, në parametra funksionalë, si dhe të gjitha elementët e përformancës, me zgjerimin, ndërtimin e trotuareve me gjerësi respektive prej 2 metrash në të dy anët. Mes elementëve më të dukshëm të saj, janë ndriçimi modern dhe gjelbërimi. Sipas projektit, përgjatë saj, do të mbillen pemë dekorative të disa llojeve si rrape, blinj, ashtu sikundër edhe portokalle e limona, çka do t’i japë këtij segmenti funksionet e një shetitoreje të bukur dhe çlodhëse.
