Ujësjellës – Kanalizime Shkodër ka ndërhyre në lagjen Bahçallek, për pastrimin e kanalizimeve të ujërave të zeza dhe të bardha, të cilët nuk ishin pastruar që në vitet ’90 dhe në pjesën dërmuese të tyre ishin të bllokuar. Për pasojë ujrat e zeza dhe të bardha shpërthenin në mjedise të kësaj zone, duke u bërë edhe burim infeksionesh. Me ndihmen e Bordit të Kullimit, që siguroi një mjet eskavator, u bë e mundur që të zhbllokoheshin pusetat dhe të pastrohej kolektori kryesor me gjatësi 680 metra. Puna do të vazhdojë edhe për pastrimin e një seksioni të dytë në gjatësinë 350 metra, i cili ndikon për minimumin e rrezikut te përmbytjeve te Bahçallekut dhe Bërdicës gjatë dimrit. Punimet këtu u inspektuan edhe nga Kryetarja e Bashkisë, Voltana Ademi. Ajo përgëzoi punonjësit e ndërmarrjes se ujesjellesit të Shkodrës për ketë ndërhyrje e gjithashtu edhe Bordin e Kullimit dhe banorët e kësaj lagjeje për mbështetjen e bashkëpunimin. Ademi u shpreh se do të vazhdohet të punohet edhe në zonat e tjera të qytetit të Shkodrës për pastrimin e kolektorëve, dhe mënjanimin e rrezikut të ujrave të zeza por dhe të përmbytjeve në stinen e dimrit.
Burimi: Voltana Ademi fb
