Shqipëria do të kryesojë Organizatën për Siguri dhe Bashkëpunim në Evropë (OSBE) në vitin 2020.
Kërkesa disa vjeçare e vendit tonë ka marrë dritën jeshile këtë të mërkurë. Nga 1 janari 2019 Shqipëria bëhet pjesë e Trojkës.
Lajmi bëhet i ditur në faqen e Twitter-t të Italisë, kryesuesja e radhës e Organizatës.
Nëpërmjet një postimi në Twitter, Misioni Amerikan pranë Organizatës për Siguri dhe Bashkëpunim në Europë, përshëndeti miratimin e kandidaturës së Shqipërisë, për kryesimin e OSBE-së në vitin 2020.
Reagimi u shpërnda edhe nga Ambasada Amerikane në Tiranë, ndërsa theksohej se SHBA-të janë gati të mbështesin Shqipërinë në këtë rol vendimtar.
“SHBA përshëndet vendimin e arritur në mbledhjen e OSBE-së, duke miratuar sot kandidaturën e Shqipërisë si Kryetar i OSBE-së në vitin 2020! Ne shpresojmë që të mbështesim Shqipërinë, pasi ajo të marrë këtë rol vendimtar”, thuhet në reagim.
