Tomori përveç peizazheve mbresëlënëse si një nga malet më të lartë në vend, konsiderohet edhe si mal i shenjtë. Çdo vit në Teqenë e Kulmakut mbërrijnë me mijëra pelegrinë nga e gjithë Shqipëria por edhe nga vise të tjera ku jetojnë shqiptarët. Gjerësisht mendohet se në malin e Tomorit gjendet varri i Abaz Aliut, një martir i besimit të tij.
Në majën e Kulmakut ndodhet edhe statuja e martirit mbi kalë, ndërsa era e ftohtë e dimrit dhe temperaturat e ulëta krijojnë një ansambël skulpturash akulli që tërheqin çdo fillimviti me dhjetëra të apasionuar pas ngjitjeve malore por edhe banorë të zonës.
/ata.gov.al
