Përveç përfitimit të njohurive shkecore, argëtimit, zgjerimit të horizonteve, leximi ndikon pozitivisht edhe për shëndetin
Nëse jeni në mesin e atyre njerëzve që nuk lexojnë fare, atëherë më poshtë do t’ju sjellim një studim shkencor që mbështet idenë se leximi është gjëja më e mirë për ju në shumë aspekte të ndryshme.
Leximi i librave trillues ju ndihmon të jeni më mendje-hapur dhe më kreativë
Sipas hulumtimeve të kryera nga Universiteti i Torontos, pjesëmarrësit e studimit të cilët kishin lexuar histori të shkurta fiktive kishin rezultuar të jenë shumë më mendje-hapur sesa lexuesit e eseve.
Autorët kishin thënë se, përderisa leximi i librave jo trillues u mundëson studentëve të mësojnë mbi një çështje të caktuar, mund të mos u ndihmojë gjithmonë të mendojnë rreth saj.
Personat që lexojnë libra jetojnë më gjatë
Të paktën kështu thonë hulumtuesit e universitetit Yale të cilët kishin studiuar 3,635 persona më të vjetër se 50 vjeç dhe kishin zbuluar se ata që lexojnë libra 30 minuta në ditë jetojnë mesatarisht 23 muaj më gjatë sesa lexuesit e revistave ose se ata që nuk lexojnë fare.
Siç duket, praktika e leximit të librave krijon angazhim kognitiv që përmirëson shumë gjëra, përfshirë fjalorin, aftësitë e mendimit dhe përqendrimin. Gjithashtu ndikon edhe në inteligjencë emocionale, perceptim social, etj.
Leximi i 50 librave në vit është diçka që shumë lehtë arrihet
Ndonëse leximi i një libri në javë mund t’ju duket si e pamundur, faktikisht është diçka që shumë lehtë mund ta bëjnë edhe personat me agjendën më të ngarkuar.
