Në muajin maj erdhi lajmi se Arba Kokalari e cila jeton në Stockholm të Suedisë, është bërë kështu deputetja e parë me rrënjë shqiptare që ka arritur të fitojë ulëse në Parlamentin Evropian. Ky lajm bëri krenarë shqiptarët, shkruan KultPlus.
Por, pa kaluar shumë kohë Alba jep një tjetër lajm të madh. Tashmë ajo është zgjedhur anëtare e delegacionit për forcimin e marrëdhënieve midis BE-së dhe SHBA-së. Pozitë kjo përmes secilës Alba ka premtuar që do të bëjë përpjekje për një bashkëpunim edhe më të ngushtë midis BE-së dhe SHBA-së.
Lajmin e ka bërë të ditur vetë Alba përmes një statusi në Facebook të cilin KultPlus po ju sjell më poshtë:
“Forcimi i marrëdhënieve midis BE-së dhe SHBA-së. Jam e lumtur që jam zgjedhur anëtare e delegacionit tonë të Parlamentit Evropian, ku unë do të bëj përpjekje për një bashkëpunim edhe më të ngushtë midis BE-së dhe SHBA-së. Fokusi im do të jetë në: -Klima: SHBA do të duhej t’i kthehet marrëveshjes së Parisit dhe ne do të duhet të gjejmë mënyra për të luftuar krizën klimatikë sëbashku -Tregtia: BE duhet të shtyjë për një marrëveshje të re të tregtisë së lirë me SHBA dhe të luftojë kundër luftërave tregtare dhe detyrave ndëshkuese. -Siguria: BE dhe ne duhet të bashkëpunojnë së bashku dhe brenda kornizës së NATO-s për të forcuar sigurinë e përbashkët dhe për të përmbushur kërcënimet nga Rusia dhe Kina, por edhe terrorizmi. SHBA ka nevojë për Europën- Europa ka nevojë për SHBA-në”, ka shkruar Kokalari.
