Studiuesit në “King’s College” Londër kanë zbuluar një trajtim të ri për sulmet e astmës, të parin në 50 vjet. Ilaçi “Benralizumab” synon qelizat e bardha eozinofile, të cilat shkaktojnë inflamacion dhe dëmtime në mushkëri, duke ndikuar në gjysmën e rasteve të astmës dhe një të tretën e shpërthimeve të COPD.
Në një studim me 158 pacientë, terapia uli dështimet e trajtimit nga 74% në 45%, përmirësoi simptomat dhe cilësinë e jetës, si dhe uli nevojën për shtrim në spital apo trajtime shtesë. Një nga pjesëmarrëset, Alison Spooner, e cila vuan nga astma prej fëmijërisë, e quajti ilaçin një “mrekulli”.
Megjithëse rezultatet janë premtuese, “Benralizumab” nuk është ende gati për përdorim të gjerë. Prova më të mëdha do të nisin në 2025 dhe do të zgjasin dy vjet për të siguruar efektivitetin dhe vlerën e kostos, pasi terapia është e shtrenjtë. Ndërkohë, pacientët duhet të ndjekin trajtimet e tyre aktuale.
Referenca: ata.gov.al
