Zgjedhjet lokale në Tuz, fiton koalicioni i Forumit Shqiptar

145

Sipas informatave jozyrtare të medieve nga Mali i Zi, Forumi Shqiptar, i përbërë nga partitë shqiptare Alternativa Shqiptare, Aleanca Demokratike e Shqiptarëve dhe Bashkimi Demokratik Shqiptar ka fituar rreth 50 për qind të votave të numëruara deri tani, thënë ndryshe 3 682 të tilla.

Partia DPS e presidentit të Malit të Zi, Milo Gjukanoviq ka fituar 2 490 vota, përkatësisht 31 për qind, Partia Boshnjake 960 ose 12 për qind, gjithnjë duke iu referuar rezultateve jozyrtare.

Kryesuesi i listës së Forumit Shqiptar, Nik Xheloshaj ka, thënë për mediat e Malit të Zi se ky koalicion ka fituar 16 mandate.

Tuzi për herë të parë mori statusin e plotë të komunës në shtator të vitit të kaluar.