Shtetasit shqiptarë që kanë mbushur moshën 75 vjeç do të pajisen me letërnjoftime elektronike pa afat, ndryshe nga më parë që parashikohej një afat 10 vjeçar vlefshmërie e tyre. Ndryshimi ligjor është miratuar nga Këshilli i Ministrave në mbledhjen e fundit.
Po ashtu, veç projektligjit të mësipërm, qeveria ka miratuar edhe vendimin si dispozitë kalimtare ku përcaktohet se afati i vlefshmërisë së letërnjoftimit elektronik të shtetasve shqiptarë, që përfundon brenda vitit 2020, zgjatet deri në përfundimin e gjendjes së epidemisë së shkaktuar nga përhapja e COVID-19.
