Prej pak kohësh Bashkia Libohovë ka nisur ndërhyrjet për rikonstruksionin e segmenteve të amortizuara ndër vite, por edhe të atyre rrugëve që s’kishin parë kurrë më parë një shtresë asfalti apo betoni.
Punimet janë kryer në rrugë të lagjes “Linua”, në “Çuprel”, në murin e rrugës pranë Kalasë, në “Hoxhallarë”, në fshatin Drino, në Nepravishtë etj. Investime të tilla, ndoshta në dukje janë të vogla apo modeste, por realisht ndikojnë shumë në jetën e përditshme të atyre që i përdorin këto rrugë, duke lehtësuar lëvizjen e këmbësorëve dhe të automjeteve.
