Ditën e sotme, në Romë, është zhvilluar Kongresi i 43-të i UEFA-s.
Në rendin e ditës së këtij kongresi ishte zgjedhja e Presidentit të UEFA-s dhe antarëve të Komitetit Ekzekutiv të UEFA-s, pozicion për të cilin kandidonte dhe Presidenti i FSHF, Armand Duka.
Presidenti Duka ka arritur të zgjidhet në Komitetin Ekzekutiv të UEFA-s me 36 vota, duke marrë besimin e delegatëve të shumë federatave të mëdha europiane për një mandat 4 vjeçar.
Kjo është hera e parë për Shqipërinë dhe futbollin shqiptar që kalon kufinjtë e përfaqësimit në institucionet më të rëndësishme europiane sportive.
President i UEFA-s në këtë Kongres u rizgjodh Aleksandër Ceferin, mandati i të cilit vlen për katër vitet në vazhdim.
