Jemi mësuar tashmë me faktin se bashkëshortet e qeveritarëve zgjedhin veshjet më elegante dhe aksesorët më të shtrenjtë kur vizitojnë ShBA. Por zj.Ho Ching, bashkëshortja e Kryeministrit të Singaporit mendon krejt ndryshe. Ajo ka zgjedhur një çante dore 15$ me një copë xhins të thjeshtë me figura dinozarësh, gjatë vizitës në Shtëpinë e Bardhe.
Nuk është surprizuese se tashme këto çanta dore janë shumë të kërkuara. Në të vërtetë nuk ishte një çantë nga ato që jemi mësuar zakonisht; kjo çante është dizenjuar nga një student singaporian i Shkollës Pathlight, shkolla parë në vend e fokusuar tek autizmi. 19 vjeçari Seetoh Sheng Jie ishte i fiksuar pas dinozaurve që në fëmijëri, dhe prandaj ka zgjedhur të printojë një çante të tillë. Meqë ra fjala çdo artikull i krijuar nga studentet e Shkollës Pathlight shitet nga shitësit me pakicë, dhe dizenjuesit marrin honorare me shitjen e këtyre artikujve.
Me këtë çantë të re, zj.Ho Ching, ka mbështetur këtë ide madhështore. Zj.Ho Ching drejton Shoqaten e Autizmit në Singapor, e cila dhe ka filluar këtë projekt. Veprimi i zj.Ching tregon se mirësia dhe veprat e mira janë akoma gjallë.
