Logo BlackBerry do të rishfaqet tashmë në një “smartphone”, por edhe me një pamje të re dhe larg tradicionales.
Në telefonin e mençur kompania ka vendosur të ruajë një karakteristikë të saj: shkrimin jo me prekje në tastierën e sheshtë por me germat e vjetra, ato fizike. Blackberry do të veprojë si çdo telefon tjetër Android, me internet 5G dhe pritet që të hidhet në treg gjysmën e parë të vitit 2021.
Telefonat BlackBerry njihen gjerësisht për komunikimet e tyre të mbrojtura, privatësinë dhe të dhënat, po ashtu të ruajtura me kujdes.
Vite më parë, BlackBerry njihej si mbreti i i smartfonëve dhe kulmin e suksesit e arriti në vitin 2012 me mbi 80 milionë përdorues aktivë.
