Që nga fillimi i fushatës “Shqipëria Buzëqesh” janë kryer 842 535 vaksinime antikovid në vend.
Referuar të dhënave zyrtare, gjatë 24 orëve të fundit janë kryer 6 105 vaksinime kundër koronavirusit.
Greqia i dhuroi dje Shqipërisë 20 mijë doza të vaksinës “AstraZeneca”, të cilat mbërritën sot në aeroportin e Rinasit.
Procesi i vaksinimit masiv po vijon në të gjithë vendin me kalendar të kombinuar, për qytetarët +60 vjeç dhe punonjës të shërbimeve kritike. Vaksinimi po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin.
