Nga falja e borxheve do të përfitojnë edhe fermerët. Ministria e Financave pranoi një propozim të deputetëve në komisionin parlamentar të ekonomisë, i cili fal gjobat dhe kamatëvonesat për të vetëpunësuarit në bujqësi që nuk kanë paguar sigurimet e detyrueshme për të gjitha vitet.
Por që fermerët të përfitojnë nga falja e gjobave dhe kamatëvonesave duhet të paguajnë sigurimet e detyrueshme për ato vite që nuk i kanë derdhur.
Amendamenti i propozuar nga deputetja Blerina Gjylameti e zgjeron faljen edhe për gjobat dhe kamatëvonesat mbi sigurimet e fermerëve, të cilat i përkasin 5 viteve të fundit.
