Pas një shkëputje që nga viti 2011 dhe viti 2012 rikthehet organizimi “Dita e biçikletave në Shkodër”.
Aktiviteti ka për qëllim promovimin e përdorimit të bicikletave në kushtet kur përdorimi i saj rrezikon të zbehet për shkak të rritjes së përdorimit të makinave.
Shkodra është qyteti i biçikletës dhe e ka trashëguar brez pas brezi këtë mjet të bukur, të shëndetshëm dhe ekonomik.
Aktiviteti u hap me fjalën e znj. Voltana Ademi, Kryetare e Bashkisë Shkodër. Më pas disa nga figurat e artit të qytetit u vlerësuan me çertifikatë. Gjithashtu u bë dhe një parakalim me biçikleta.
Sot, pjesë e kësaj dite ishte dhe panairi me temë biçikletën, ku u shpërndanë dhe çmime për lloje të ndryshme biçikletash.
Mbyllja e aktivitetit u bë me ekspoziten “Shkodra, familja ime, biçikleta ime, historia ime”.
