Imazhe mbresëlënëse vijnë nga shtegu Alarup-Pllaja e Pusit, pjesë e Peizazhit të Mbrojtur Ujor/Tokësor në Korçë.
Shtegu Alarup-Maja e pllajës së pusit, është një shteg piktoresk, së fundmi i frekuentuar shpesh nga të apasionuarit e alpinizmit.
Në pikën më të lartë të tij, 2288 metër mbi nivelin e detit, ke mundësinë të shijosh pamjen mahnitëse të tre liqeneve: liqeni i Ohrit dhe dy liqenet e Prespës.
Guida të ndryshme organizojnë ngjitje në këtë zonë të Pogradecit, sidomos kur koha e moti e lejojnë një gjë të tillë, pasi ngjitja që nis nga fshati Alarup, konsiderohet e nivelit me vështirësi mesatare.
Gjithsesi vizitorët e kësaj maje janë të shumtë e nuk janë ndalur as në kohë dimri, ku vendi mbulohet nga dëbora.
Pllaja e Pusit ka një pamje shumë të bukur mbi të gjithë zonën.
Kjo ngjitje ka një disnivel rreth 1250 m, 6 km ngjitje dhe 12 km në total ngjitje-zbritje. Sipas guidave, për ta realizuar duhen rreth 7 orë, duke llogaritur dhe pushimet gjatë rrugës dhe atë në majë.
/ata.gov.al
