Projekti me vlerë 15.076.242 lekë, bashkëfinancuar nga Bashkia Kukës dhe Qeveria Zviceriane nëpërmjet programit të DLDP, ka bërë të mundur rehabilitimin e plotë të ambjenteve të brendshme në mure, zgjerimin e hapësirave, rikonstruksionin e tualeteve, nyjet hidro-sanitare si dhe rregullimin e oborrit të qendrës.
Ky rikonstruksion synon kthimin e Qendrës Sociale në një Qendër Rajonale, ku të ketë vend dhe shërbim, për moshën e tretë, fëmijët me aftësi ndryshe dhe viktimat e dhunës në familje e me bazë gjinore, jo vetëm të Kukësit por edhe të qyteteve të tjera të Shqipërisë, Kosovës e Maqedonisë.
