I ftohti përbën një sfidë të madhe për njerëzit që vuajnë nga sëmundjet e zemrës.
Në rastin e sëmundjeve koronare, temperaturat e ftohta mund të nxisin ishemi kardiake, gjë që mund të shkaktojë edhe atak në zemër.
Ndikimi i temperaturave të ulëta tek shëndeti i zemrës
Kur trupi gjendet në një ambient të ftohtë, atëherë i duhet të përshtatet me të, që të ruajë temperaturën e brendshme të trupit.
Mënyra se si përshtatet trupi ka të bëjë me disa ndryshime fiziologjike që janë sfiduese për njerëzit që vuajnë nga zemra.
Temperaturat e ftohta shkaktojnë probleme si:
Rritje e rrahjeve të zemrës,
Rritje të tensionit të gjakut,
Sforcim të zemrës,
Prirje më e lartë ndaj trombozës
Nevoja për kujdes është më e lartë në dimër
Njerëzit që vuajnë nga sëmundjet e zemrës duhet të ndjekin pesë këshillat e mëposhtme:
Ekspozim minimal ndaj të ftohtit
Kufizojeni ndjeshëm kohën e kaluar në ambiente të ftohta dhe nëse u duhet të dilni patjetër, vishuni ngrohtë nga koka tek këmbët.
Mos u stërmundoni
Stërmundimi fizik në hapësira të jashtme e në ambient të ftohtë mund të jetë shumë dëmtues për zemrën.
Mos e teproni me nxehtësinë
Nëse visheni trashë dhe kryeni aktivitet fizik do ta stërmundoni zemrën.
Enët e gjakut do të zgjerohen krejt papritur dhe tensioni i gjakut do të ulet.
Nëse jeni në ambient të jashtëm dhe vëreni që po djersisni, atëherë kjo është një shenjë rreziku.
Kujdes me gripin
Sipas informacioneve të AgroWeb.org, gripi është shumë i rrezikshëm për njerëzit që vuajnë nga zemra.
Përpara se të merrni medikamente me kokën tuaj, konsultohuni më parë me mjekun.
Mos pini Alkool
Alkoli zgjeron enët e gjakut në lëkurë dhe ju bën të ndiheni ngrohtë.
Por nga ana tjetër, e gjithë nxehtësia e nevojshme përthithet nga organet jetësore duke ju vënë në rrezik.
/lajme.al
