Nis puna për projektin pilot, atë të strehimit të jetimëve në Shkodër. Prej javësh po punohet për rehabilitimin i ish konviktit të shkollës pyjore, për strehimin e grupit të jetimëve dhe familjeve një-prindërore.
Projekti, me vlerë 28,236,581 lekë është financim i Ministrisë së Zhvillimit Urban. Ai parashikon rehabilitimin e plotë të godinës dhe përshtatjen e saj në 18 garsoniera dhe 6 apartamente banimi, ndërtimin e të gjitha linjave të furnizimit më ujë, të kanalizimeve apo linjave elektrike.
Sipas marrëveshjes së lidhur me bashkinë Shkodër, përfituesit (fëmijë jetimë dhe gra që drejtojnë familje një – prindërore) do të përzgjidhen nga vetë bashkia e më pas do të miratohen nga këshilli bashkiak. Ky projekt, që pritet të mbyllet në fillim të vitit të ardhshëm do të shërbëje si model për tu aplikuar edhe në bashkitë e tjera.
