E dimë shumë mirë çmimin e një darke me peshk në vendin tonë, në Itali. Në disa zona çmimet janë të larta, por në disa të tjera janë stratosferike.
Megjithatë, çfarë ndodh me vendet e tjera? pyet faqja italiane ”Wine&Food”, në një shkrim nga gazetarja Roberta Paltera.
Sa kushton një darkë me bazë peshku në Shqipëri? Përgjigjja mund t’iu lërë pa fjalë.
Shqipëria, një tokë e mrekullueshme
Territori i Shqipërisë është shumë i larmishëm, me pamje nga deti Adriatik dhe plazhe të mrekullueshme. Shqipëria ka gjithashtu dhe qytete shumë të njohura si Durrësi dhe Vlora.
Megjithatë, territori i saj përbëhet kryesisht nga kodra, deri në majën më të lartë në kufi me Maqedoninë e Veriut. Ka edhe peizazhe të mrekullueshme, të zhytura në natyrën e virgjër. Vetëm mendoni për liqenet dhe lumenjtë e shumtë që përshkojnë vendin.
Ndër liqenet më të njohur gjejmë liqenin e Shkodrës dhe Ohrit, kryevepra të vërteta të natyrës. Megjithatë, nëse duam të shijojmë qendrën e vërtetë të Shqipërisë, nuk mund të vizitojmë vetëm Tiranën, kryeqytetin e Shqipërisë dhe gjithashtu qyteti më i madh në vend.
Tirana ndodhet në qendët të vendit, e rrethuar me male dhe kodra. Kjo e bën Tiranën një qytet magjepsës, e cila ofron spektakle arkitekturore dhe natyrore të llojeve të ndryshme.
”Nuk është vetëm kjo që e bën këtë një qytet unik”, dëshmon edhe tik-tok-erja Lavinia Giardina, duke na treguar se sa e përshtatshme është të darkosh në Shqipëri.
Një darkë në Shqipëri
Tik-tok-erja Lavinia Giardina u ka treguar ndjekësve të saj se sa e përshtatshme është një darkë me bazë peshku në Shqipëri, duke treguar me detaje se çfarë ka porositur.
Ai e filloi darkën e tij të peshkut me një meze me pure patatesh dhe oktapod. Pjata përbëhej nga pure patate të bollshme në fund dhe katër tentakula oktapodësh të pjekur sipër, një kënaqësi e vërtetë.
Duke vazhduar, blogerja porositi dy pjata me linguini ”allo scoglio”, të cilat i tregoi dhe që ishin plot me peshk.
Si përfundim, një shishe ujë. Sa shpenzoi gjithsej? Vetëm nëntë euro, një çmim befasues po të kemi parasysh se në Itali me atë shumë nuk do të kishte blerë as një meze.
Prandaj blogerja rekomandon një udhëtim në Tiranë dhe një vizitë në restorantin ”Bati”, ku jo vetëm do të hahet shumë mirë, por edhe shpenzohet pak.
Çfarë duhet parë në Tiranë?
Siç sugjeron Lavinia Giardina, Tirana është padyshim një qytet për t’u vizituar, si për kuzhinën ashtu edhe për bukurinë e saj.
Në kryeqytetin shqiptar do të mund të admirojmë Muzen Historik Kombëtar me një pamje veçanërisht të bukur nga jashtë strukturës.
Një tjetër destinacion i padiskutueshëm është Kulla e Sahatit, një kullë shumë e lartë e dukshme pak a shumë nga çdo cep i qytetit.
Një tjetër atraksion dhe destinacion spektakolar për turistët janë Sky Towers, rrokaqiejt që ndodhen në rrethin e Bllokut,e cila ka një tarracë karakteristike rrotulluese.
Në këto tarraca ka restorante dhe bare nga të cilat mund të shijoni një panoramë 360 gradë.
Nëse dëshironi të shijoni natyrën në të gjithë shkëlqimin e saj, atëherë nuk mund të mos vizitoni Parkun Kombëtar të Malit të Dajtit e të shihni prej lartësisë gjithë peizazhin e bukur.
/ata.gov.al
