Duhanpirja do të zhduket deri në vitin 2050 nga SHBA, pjesë të Europës, Australisë dhe zonave të mëdha të Amerikës Latine, nëse vazhdon trendi në rënie i parë në dekadat e fundit, shkruan Adam Spielman, analist në Citigroup.
Në një analizë ai thotë se përdorimi i cigareve në një numër vendesh në zhvillim mund të shkojë në zero në tre dekadat e ardhshme ndërsa duhanpirësit ose lënë cigaren ose kalojnë në produkte alternative.
Numri i fëmijëve që aktualisht pinë duhan ka rënë me pothuajse tre të katërtat në 20 vitet e fundit, përdorimi i duhanit tek burrat është në rënie për herë të parë në nivele rekord dhe shitjet e cigareve kanë parë rënie për dekada me radhë.
Philip Morris International, prodhuesi i cigareve Marlboro dhe tashmë prodhues i produktit alternative IQOS, gjithashtu ka sinjalizuar se cigaret mund të fillojnë të dalin jashtë mode brenda një dekade.
