“Ditëlindje në teatër”, risia që sjell Teatri Metropol

0
57

“Ditëlindje në teatër” është risia që sjell Teatri Metropol për publikun kryeqytetas. Çdo grupëmoshë duke filluar nga kopshtet mund të festoj në teatër.

Shfaqjet në këtë teatër i mirëpresin të gjithë për të festuar ditëlindjen ndryshe mes artit dhe personazheve të shfaqjeve. Programi artistik, edukativ dhe interaktiv është i përshtatshëm për moshat nga 2-16 vjeç.

Gjatë këtyre ditëve në skenën e Teatrit Metropol publiku ka mundësi të shijojë shfaqjet si “Ditari i Ana Frank” e cila këtë herë vjen ndryshe nën interpretimin e të rinjëve.

Për publikun e vogël është shfaqja interaktive ”Miushet e Shkathëta” e cila i bën të vegjlit pjesë të skenës dhe të argëtimit.

”Të Mirësjellshmit” është një shfaqje që vjen ndryshe nëpërmjet muzikalit e cila përcjell dhe mesazhe sociale dhe shoqëron publikun e vogël por dhe atë të shkollave çdo fundjavë.

Publiku artdashës kryeqytetas mund të zgjedhë se cila nga këto shfaqje i përshtatet për të festuar ndryshe në teatër.