Banka Botërore: Shqipëria parajsa e turizmit, synon 10 milionë turistë në sezon

138

“Një nga kujtimet e mia të preferuara të verës së kaluar ishte zbulimi i Sarandës, që ndodhej në pjesën jugore të Rivierës Shqiptare. U mahnitëm me vendndodhjen e bukur të qytetit, pikërisht në bregun e detit Jon, me ujërat e thella blu dhe me ishullin e Korfuzit (Greqi) të dukshme në horizont. Isha larg të qenët vizitorja e vetme, sepse Saranda është plot me njerëz gjatë verës. Në fakt, popullsia e zakonshme është rreth 35,000, në korrik dhe gusht, por kjo shifër mund të fryhet me një fluks turistësh. Gjatë vitit 2016, Saranda regjistroi mbi 700,000 vizitorë.”- e nis editorja e Bankës Botërore, një reportazh për qytetin në Jug të Shqipërisë, në një artikull të fundit të botuar në blogun e BB-së.

Gjatë viteve të fundit në Shqipëri, turizmi është rritur ndjeshëm, thuhet më tej në artikull, veçanërisht në vende si Ksamili, Saranda dhe Durrësi. Nga gushti 2017 deri në gusht 2018, sipas zyrës së statistikave kombëtare, Shqipëria priti 8.2 milionë vizitorë – një rritje prej 16.8% krahasuar me një vit më parë. Dhe shumica e këtyre turistëve erdhën për diell dhe plazhe gjatë verës.

Këto shifra pritet të vazhdojnë të rriten në vitet e ardhshme. Shqipëria synon të tërheqë 10 milionë turistë deri në vitin 2025.

Duke parë përpara, rehabilitimi i hapësirave publike do të përforcojë potencialin turistik të vendit dhe do të kontribuojë në zhvillimin ekonomik dhe krijimin e vendeve të punës në nivel lokal. Nuk mund të pres që të kthehem në Sarandë për të parë zhvillimet e reja me sytë e mi dhe për të lëvizur lirshëm nëpër qytet në shkallët e reja.