Në fshatin Dhuvjan të bashkisë Dropull u çel sot sezoni turistik.
Ky aktivitet, i cili po kthehet në një traditë të përvitshme me qëllim promovimin e vlerave të trashëgimisë kulturore e natyrore të bashkisë Dropull, u shoqërua nga një sërë veprimtarish artistike.
Në aktivitet u ekspozuan fotografi ndër vite, u zhvillua panairi i kulinarisë me gatime tradicionale të zonës, si dhe u shfaqën koncerte me valle dhe këngë polifonike të performuara nga grupi polifonik i grave të Selosë, Dropull.
/ata.gov.al
