Lajmi i mirë/ Tani patentën mund ta merrni për 30 minuta. Lehtësira edhe për 7 shërbime të tjera

7
Nga dje, 15 gusht, lëshimi i kartonit të ri të Leje Drejtimit (patentës) do realizohet në vetëm 30 minuta, pa kosto shtesë.
 
Sipas DPSHTRR, “aplikimi për kartonin, dublikat, rinovim apo hera e parë pasi ke marrë provimet, tani merrni patentën po atë ditë, pa ardhur 2 herë, duke lehtësuar kështu 48,000 qytetarë në vit. Në Nëntor 2018, i njëjti proces vononte nga 15-20 ditë. Falë investimeve dhe pajisjeve moderne, sistemit eDM të gjithëpërditësuar, shpejtojmë tashmë 7 shërbime:Leje Drejtimi për herë të parë, Rinovim Leje Drejtimi, Humbje/vjedhje/shkatërrim/dëmtim Leje Drejtimi, Konvertim Leje Drejtimi, Leje Drejtimi për shtesë kategorie, Ndryshim vendbanimi, Ndryshim në gjeneralitete. Shërbim më cilësor, pa tarifë ekstra”.
 
Drejtoria e Përgjithshme e Shërbimeve të Transportit Rrugor (DPSHTRR) njofton se “shërbimi i ri” nis me Tiranën, ku kryehet rreth 45% e numrit total të patentave në Shqipëri.