Në segmentin rrugor Elbasan-Librazhd (Murrash) filloi puna për montimin e rrjetave për mbrojtjen e skarpatës nga rënia e gurëve.
Autoriteti Rrugor Shqiptar bën të ditur se realizimi i këtyre punimeve do t’i japë zgjidhje afatgjatë mbrojtjes së skarpatave dhe do të shmangë rrezikun e rënies së materialeve në trup të rrugës duke rritur sigurinë për të gjithë drejtuesit e mjeteve.
Sipas ARRSH-së, janë marrë masat për menaxhimin e trafikut së bashku me Policinë Rrugore, si dhe është vendosur sinjalistika provizore në zonën ku po kryhen punimet.
