Një tjetër mision arkeologjik nis punën në Apoloni

11

Një tjetër mision arkeologjik ka nisur punën në Apoloni, për të ndihmuar në zbulime të reja që do të hedhin dritë në studimin e qytetit antik.

Që nga viti 1992 ekspeditat janë një bashkëpunim shqiptaro-francez, të cilat kanë në fokus zonën e Akropolit dhe pjesën e sipërme të agorasë së qytetit të Apolonisë.

Gërmimet e para në Apoloni filluan nga arkeologu austriak, Camilo Praschniker në vitin 1916-1918.

Arkeologu francez, Leon Rey, i filloi gërmimet në vitin 1924 deri më 1938 në qendrën monumentale të Apolonisë. Gërmimet sistematike filluan nga shqiptarët në 1947 nga arkeologu Hasan Ceka, pjesë e Institutit të Arkeologjisë në Tiranë.

Gërmimet u realizuan dhe vazhduan me një bashkëpunim shqiptaro-rus nga 1958-1960, me arkeologët Selim Islami, Hasan Ceka dhe V. Blavatski.

Pas vitit 1961, gërmimet në Apoloni u realizuan nga Instituti i Arkeologjisë në Tiranë me një sërë arkeologësh si: Hasan Ceka, Aleksandra Mano, Burhan Dauti, Vangjel Dimo, Bashkim Vrekaj, Lami Koço