Tiranë: Shkolla 9-vjeçare “Betim Muço” do jetë gati në shtator

589

Shkolla 9-vjeçare “Betim Muço” në Kombinat do të jetë gati në shtator për të pritur 1200 nxënës, të cilët në sezonin e ri shkollor do të studiojnë me kushte moderne. Kryetari i Bashkisë së Tiranës, Erion Veliaj, inspektoi sot punimet që po ecin me ritme të shpejta dhe theksoi se projekti për ndërtimin e 20 shkollave në kryeqytet do të zgjidhë përfundimisht mësimin me dy turne.

Shkolla 9-vjeçare ‘Betim Muço’ do të ketë 27 klasa dhe 6 laboratorë, dhe do mbulojë nevojat e 1200 nxënësve. Shkolla do të ketë gjithashtu një palestër, por edhe 3 terrene sportive të jashtme, të cilat përveç shkollës do t’i shërbejnë gjithë zonës së Kombinatit.